Samichlaussprueche mal anders

Nach verschiedenen Vorschlägen für einen Klassenbeitrag im BuGaLu Blog, haben wir uns für selbst gedichtete Samichlaussprüche entschieden. Nach einer gemeinsamen Bewertung haben wir die unten angeführten Gedichte ausgewählt.
Die Klasse 3ra wünscht Euch viel Spass beim Lesen.

---

De Samichlaus und sin coole Huet.
I hoffe, dem gohts immer guet.
Er het es schös Eselsgschirr.
Und wött secher au ä chüels Bier.
Was hät er echt i sim grosse Sack?
I hoff es Dösli Schnupftabak.
Dusse isch jetz alles wiiis.
Chum nemmer e Priiis!
Nando, 3ra

---

Samichlaus du coole Maa,
chönt ich echt din Waffe-Uswiis ha?
D’Fizerruete, wo du bi dir treisch,
isch illegal worde, weisch?!
Hüt zu Tags zellt scho alles als Waffe,
au wenn mo‘s brucht zum Schaffe.
Ich los jetzt binere Ermahnig si,
gib mo etz das Säckli, denn isches endlich verbii.
Adrian, 3ra

---

Samichlaus du liäbä Maa,
dörfi au äs Säckli haa?
Ih bi zwor nid ä Liäbi gsii,
und äs Sprüchli han i kais debii!
Aber bitte, bis än Liäbä,
und gib mir doch kai Ruätä!
Vanessa, 3ra

Nikolaus, sei unser Gast,
wenn Du was im Säckli hast.
Ist es voll, so lass Dich nieder,
ist es leer, verschwinde wieder.
Josip, 3ra

Eseli so chli und fii,
bisch das Johr au wieder debii?
Muesch doch de schwär Sack vom Samichlaus wieder träge,
egal öb bi Sunneschi, Schnee oder Rägä.
Doch du blibsch trotzdem nöd fern,
darum hani di so gärn.

---

Samichlaus du coole Maa,
dörfi echt au es Säckli ha?
Ich bin nöd immer artig gsi,
doch bini susch eifach en Sunneschii.
Adrienne, 3ra

Samichlaus du liebä Maa,
lueg emol mis Zimmer ah!
Es isch suuber, es isch putzt,
doch bald isches wieder verschmutzt.
Aber ich bin immer artig gsie,
und hoff du hesch mis Säckli drum debi.
Ramon, 3ra

---